"Агь Трейд" ХХК нь олон улсын шаардлага хангасан, чанартай цувимал төмөр хийцүүдийг импортлон Монголын зах зээлд 25 гаруй жилийн турш тасралтгүй нийлүүлж байна.  Манай компани томоохон металлургийн үйлдвэрүүдээс сайн чанарын бүтээгдэхүүн импортлон хэрэглэгчидэд Улаанбаатар дахь өөрсдийн агуулах дээрээс шууд нийлүүлж байна (ОХУ-ын ТМК группын арав гаруй үйлдвэрүүд мөн Мечел Групп, Северстал гэх мэт).

Бид харилцагч нартаа илүү үнэ цэнэ бүтээх зорилгын хүрээнд (1) бүтээгдэхүүнээ төрөлжүүлэх; (2) бараа бүтээгдэхүүн болон үйлчилгээний чанартаа тасралтгүй сайжруулах; (3) өдөр тутмын үйл ажиллагаандаа дэвшилтэт техник технологийг нэвтрүүлэх замаар бүтээмжээ дээшлүүлэх; (4) дотоод засаглалаа сайжруулан ОУ-ын стандарт руу нийцүүлэх зэрэг ажлуудыг ше шаттайгаар төлөвлөн хэрэгжүүлж байна.

Дээрх зорилтуудын хүрээнд бид 2020 онд Европын Сэргээн Босголтын Банкны дэмжлэгтэйгээр "Санхүүгийн Менежментээ Сайжруулах" зөвлөх үйлчилгээнд хамрагдсан билээ.  Бид цаашид энэхүү зорилтын хүрээнд хэд хэдэн ажлуудыг үе шаттайгаар хэрэгжүүлэхээр төлөвлөж байна.

Мөн, бид тогтвортой хөгжлийн хүрээнд өдөр тутмын үйл ажиллагаандаа байгал орчинд ээлтэй шийдлүүдийг сонгон хэрэгжүүлэх ойрын хугацааны зорилтуудыг дэвшүүлэн ажиллаж байна.  Энэхүү зорилтын хүрээнд манай хамт олон (1) аюулгүй байдлын ажиллагаагаа дээд зэргээр хангах; (2) хүлэмжийн хийн ялгарлыг багасгах, ажилчид болон зочид гийчидийн тав тухыг хангах зорилгоор ногоон байгууламж, амрах талбай бий болгох гэх мэт ажлуудыг үе шаттайгаар төлөвлөн хэрэгжүүлж байна.